五月！確實係我期待嘅睇戲月份。"達文西密碼"聽日終於上畫啦，正！"X-Men III" 下個禮拜上，正！而最令我驚喜嘅係月尾上畫嘅"海神號"。

 

自從喺Lawrence口中知道"海神號"重拍呢個消息後，心情突別興奮。有兩套西片係阿媽後生時睇過，跟住就喺我細個時就推介俾我睇，一套係"沖天大火災"，而另一套就係"海神號遇險記"。由細到大，每逢明珠台播映呢兩套戲時，我一定會睇，特別係"海神號遇險記"，因為真係非常好睇，同樣講海難，以七十年代嘅"海神號"同九十年代嘅"鐵達尼"比，我都係覺得前者好睇。

 

之後話番俾阿媽聽"海神號"重拍呢件事，原來佢都知道少少，於是一口認承請佢去睇。話就話重拍，但唔多唔少都會加入一D新人物同劇情嘅，幸好睇過預告片，知道好多人物同情節都仍然保留，希望呢套新"海神號"唔會令我地失望啦！