噚日晏晝收到養和醫院打黎，我仲以為佢地約我interview添，原來佢地約我今朝去做個test，心諗係咪做腦掃描呀，做IT support個腦要冇事先得架麻，哈哈。佢地淨係話做個test，又冇講係關於乜嘢，攪到我都無從入手，唔知準備啲乜好，噚晚唯有左睇啲右睇啲，最後都係以平常心去應付算喇。諗住早啲瞓啦，撞鬼！成晚典黎典去瞓唔著，雖然冇打開眼，但個腦仍然好清醒，唉！結果都係冇瞓過覺。

 

食過早餐之後出門口，行咗十分鐘左右，九點九到咗養和。十個人，喺個大班房度等，準時十點鐘開考，時限一個鐘，10條寫嘢，30條MC。我睇到份test paper之後，第一個感覺就係：唔係真係咁淺吖！不過淺還淺，一向做開high level嘅嘢，突然間見到有幾條問題真係好淺，但偏偏個答案走唔到出黎，激死！唔駛半個鐘做完，十點半就走得，不過有人仲快過我。

 

依家只有等回覆，希望可以再收到佢地電話叫我去in啦！私家醫院個環境真係唔錯啊！