今日最後一堂整忌廉蛋糕，整好之後唔攞走啦，因為想行吓，費事溶晒啦，於是分埋俾其餘兩位組員拎走。慢慢行咗落去尖咀，諗住搭船返灣仔。去到碼頭，咦！做乜暫時停航呀？2020先有船！哦，原來剛剛幻彩show就開始，冇計啦，咪行過隔離陪吓啲遊客一齊企係度望住對面海囉。個幻彩show有咗咁耐，我都係第一次由頭睇到尾，幾好睇喎，今晚個天色又清又靚，又有煙花，又有激光射黎射去，咁靚嘅效果之下睇番香港島，真係好靚。2015散場，有船返去啦！返到灣仔食埋個牛肉飯先返屋企。