之前莎朗都講好，出營之後，夜晚約埋Leo同Lawrence繼續一齊去睇波。返到銅鑼灣之後，Paul同莎朗就去嘗試搵地方book睇波，好彩都搵到，而我都唔打算返屋企啦，廢事走黎走去，於就走咗落California度沖個涼，哈哈，呢次係我第一次唔係為咗做gym而落去。跟住我地三個走咗去白沙道峰壽司，喺門口一等就等咗差唔多兩個鐘先有得入去食，間中仲要落吓雨添，激死！
差唔多11點開波嘅時候，我相信好多Bar都一樣full晒。初時我嘅精神指數還勉強應付到，但係間Bar張梳化實在俾我覺得好舒服，結果我係半睡狀態去睇場波，瞓吓醒吓望吓咁睇到英格蘭輸埋十二碼冇得入四強。跟住等到3點，又係半睡狀態咁去睇住巴西點樣輸俾法國。真係精彩，一夜之間，兩隊大熱嘅隊伍雙雙輸晒冇緣進入四強。 結果今朝差唔多6點先返到屋企，用埋我最後嘅精神狀態去沖埋個涼，跟住上床即瞓，瞓到晏晝點幾鐘，等啟山返黎出去飲茶。