頭先出去飲晏晝茶，睇見班細路喺度係咁跑黎跑去，真係好懷疑依家啲家長係乜嘢心態。班侍應已經拎住好多嘢行黎行去，又熱水又窩米又蒸籠，佢地已經叫咗班細路好多次唔好喺度走黎走去好危險，但係呢班友仔依然四周左穿右插，我就當你班細路唔識乜嘢叫危險，但係呢班細路嘅家長死嘅咩，俾人話咗咁多次都冇去叫啲細路停，依然由得佢地，玩還玩，都要考慮吓會唔會影響到其他人先得架，唔通真係等出咗事先黎嘈咩。所以我一定要教識啟山呢個道理，等佢明白唔係任何公共場所都可以好似屋企咁。