01:40 嘩！好大燒焦味呀！走去窗口度望吓先，見到兩個人指住我地屋企隔離條巷兼報警：「嘩！好大火呀！成架車燒著晒呀！」，D味愈黎愈刺鼻，煙又愈黎愈多啦，不過好快第一架消防車到達，三個消防員見到即刻彈落車拉喉射水。十分鐘...救熄，無線、東方、新城，仲有兩間睇唔清嘅記者相繼到達，我又走落街度望吓先。一輛紅色私家車嚴重焚毀，經警方及消防員調查後，我並唔知佢地認為火警有冇可疑，留番聽日睇報紙先知。

 

最奇怪嘅就係，成棟樓淨係得我同我阿媽有落街睇，但係喺火頭現場上面嗰幾戶人居然完全冇離開過，仲喺個窗度望落去，吖！佢地真係勇喇......

 

02:53 一輛警車仍然停泊喺度，只見警員上上落落繼續進行調查......