October 11
光明義行者
幾經努力，終於都集合咗14個人，一齊參加11月4號晚嘅奧比斯「盲俠行」籌款步行，當日夜晚11:30由灣仔運動場出發，差唔多沿住港島嘅海岸線一直到西區再到淺水灣為終點，而其中一段較為特別嘅就係蒙住雙眼黎行，用意感受盲人喺黑暗中嘅體會。
我地嘅團隊名叫做“光明義行者”，而我亦有幸成為隊長。而由於我地由報名到截止只係得兩日時間，所以都好感謝各位隊員喺咁短嘅時間內去搵贊助捐款，除咗喺截止日內籌得個人基本捐款額外，依家我地所籌得嘅總數仲接近$8000添，一個唔錯嘅數字，真係多謝各位嘅努力同樂意贊助我地嘅朋友。
留待當日活動完畢後，再向大家分享。
而黎緊嘅星期日，我就參加「挑戰12小時越野馬拉松賽」啦，希望當日嘅天氣良好，而我又可以回復9小時內完成啦。
Tools 
